స్నేహమంటే ఇదేనేమో..!!

పేరు చూడగానే మీకు అర్థం అయ్యే ఉంటుంది ఇదేదో స్నేహం గురించి అని...అవును మీరు అనుకున్నది కర్రెక్టే.ఏదో నాకు తోచినట్టుగా,వచ్చినట్టుగా ఈ కథ రాస్తున్నాను..:)

"పిల్లలు ఈ రోజు మన క్లాస్ లో సుచిత్ర అనే అమ్మాయి చేరబోతోంది." చెప్పింది టీచరు."రామ్మా సుచిత్ర,నిన్ను క్లాస్ కి పరిచయం చేసుకో".
సుచిత్ర పన్నెండేళ్ళ అమ్మాయి,బంగారు మేని ఛాయతో,నల్లటి ఒతైన జుట్టుతో అమ్మాయిల మొదటి బెంచిలో చివరన కూర్చొని ఉంది.మెల్లగ తన బెంచి నుంచి లేచింది.క్లాస్ లో మేమంతా ఆమెనే చూస్తున్నాము.మా వింత చూపుల మధ్య,కొత్త మొహాల మధ్య,కొత్త ఊరిలో తను బాగా ఇబ్బంది పడుతున్నట్టు అనిపించింది.టీచరు ఉన్న వైపుకు మెల్లగ నడుస్తూ వెళ్ళి తల వంచుకొని నిలబడింది,ఏదో పనిష్మెంట్ లాగా.
"సుచిత్ర, క్లాస్ కి పరిచయం చేసుకో.ఎందుకలా తల వంచుకొని నిలబడ్డావు? టైం వేస్ట్ చెయ్యకు" కొంచం కటువుగా అంది టీచరు.
"నా పేరు సుచిత్ర" అంది సుచిత్ర వణుకుతున్న స్వరంతో...
క్లాసంత గుసగుసలు మొదలయ్యాయి.టీచరు సుచిత్రని తన బెంచికి వెళ్ళమని, పాఠం మొదలు పెట్టారు.సుచిత్రకి దాదాపు కళ్ళ నీళ్ళు తిరిగాయి.క్లాసు జరుగుతున్నంత సేపు తను పరధ్యానంగా ఉండటం నేను గమనించాను.
లంచ్ బ్రేక్ లో సుచిత్ర తన బెంచిలో ఒంటరిగా కూర్చొని ఏదో పుస్తకం చూస్తూ ఉంది.దృష్టి పుస్తకం మీద ఉన్నా తన ఆలోచనలన్నీ వాళ్ళ ఊరి గురించే."హాయ్" అన్న పిలుపుతో తను తల ఎత్తి పక్కనే నవ్వుతూ నిలబడి ఉన్న నన్ను చూసింది.
"నా పేరు కవిత.నేనూ ఈ క్లాస్ లోనే చదువుతున్నాను.అవును నువ్వు ఎందుకు భోజనం చెయ్యటం లేదు?"
"నాకు పెద్దగా ఆకలి వేయటం లేదు" చెప్పింది సుచిత్ర.
"ఎందుకు లేదు.నాకు తెలుసు అందరూ నిన్ను చూసి నవ్వినప్పుడు నువ్వు బాధపడ్డావని.నాకు కూడా అది నచ్చలేదు,వాళ్ళ గురించి పట్టించుకోకు.నువ్వు లంచ్ బాక్స్ తెచ్చుకున్నావా?"
"తెచ్చుకున్నాను.నువ్వు నాతో కలిసి తింటావా?" అంది సుచిత్ర చిన్నగా నవ్వుతూ.
"తింటాను,పద అలా బయట కూర్చొని తిందాము" అని ఇద్దరం బయట ప్లే గ్రౌండ్లో చెట్టు కింద భోజనం చేసాము.ఇద్దరం,మా భోజనాన్ని పంచుకున్నాము కూడా.
"నీకు మీ ఊరు,పాత స్కూలు గుర్తుకొస్తున్నాయి కదా?"
"అవును చాలా.ఇంతకు ముందు మేము తాడిపత్రిలో ఉండే వాళ్ళాము.నాన్నకి ఇక్కడికి ట్రాన్స్ఫెర్ అయ్యింది.నా 6th క్లాస్ మార్కులు తక్కువ ఉండటం వలన ఈ స్కూల్ లో సీటు రాలేదు. అప్పుడు నాన్న డొనేషన్ కట్టి ఇందులో చేర్పించారు.నేను ఖచ్చితంగ ఫెయిల్ అవుతాను" అంది సుచిత్ర బాధతో.
"అలా బాధపడకు సుచిత్ర,నేను నీకు సహాయం చేస్తానులే.నువ్వు అన్నీ త్వరగానే నేర్చుకుంటావు.అవును,ఇంతకి మీ ఇల్లు ఎక్కడ?"
"సాయి నగర్ 5th క్రాస్" అంది సుచిత్ర.
"నేను ఉండేది అక్కడే"
"అవునా" అంది సుచిత్ర సంతోషంగా.
"అవును.ఇక అసలు బాధపడకు.ఇద్దరం కలిసి చదువుకుందాము."
"నిన్ను సుచి అని పిలవనా?"
"తప్పకుండా.అలా పిలిస్తేనే నాకు బాగుంటుంది.మా పాత స్కూల్లో అందరూ నన్ను అలానే పిలిచే వాళ్ళు" అంది సుచి కళ్ళతో నవ్వుతూ.
అలా ఆరవ తరగతిలో మొదలైన మా స్నేహం చాలా సంవత్సరాల వరకు కొనసాగుతుందని నేను అనుకోలేదు......
సుచి చాలా తెలివైనది.అన్నీ చాలా త్వరగా గ్రహించేది.మేమిద్దరము చాలా కొద్ది కాలంలోనే మంచి స్నేహితులమయ్యాం.మా వలన,మా కుటుంబాల మధ్య కూడా స్నేహం ఏర్పడింది.సుచి ఆరవ తరగతి మామూలు మార్కులతోనే పాస్ అయ్యింది.సుచిని చదువే కాకుండా మిగత కార్యక్రమాల్లో నాతో పాటు పాల్గొనమనేదాన్ని.దీనితో తన ఆత్మవిశ్వాసం బాగా పెరిగింది.అన్నికార్యక్రమాల్లో చురుగ్గా పాల్గొనేది.మా స్నేహం ఎంతగా బలపడింది అంటే,మా క్లాస్ అంతా మమ్మల్ని చూసి అసూయ పడేంత.ఇద్దరం ఎంతో సంతోషంగా ఆడుతూ,పాడుతూ మా స్కూలు చదువులు ముగించాము.
ఇంటర్మీడియట్ లోనూ మంచి మార్కులతో పాస్ అయ్యి,కాంపిటిటీవ్ పరీక్షల్లో మంచి ర్యాంకు సాధించి ,RV ఇంజనీరింగ్ కాలేజి,బెంగుళూరు లో సీటు సంపాదించాము.ఇద్దరం చాలా ఉత్సాహంగా,సంతోషంగా కాలేజి లైఫ్ లో అడుగు పెట్టటానికి రెడీ అయిపోయాము.కానీ అక్కడ అనుకోని సంఘటనలు జరుగుతాయని,మా స్నేహానికి ఎన్నో అవరోధాలు వస్తాయని నేను ఊహించలేక పొయాను....
(ఇంకా ఉంది)...

కాలచక్రం

రెండవ తరగతి[Dec31st-1992]
వంట గదిలో
"అమ్మా అమ్మా...నిన్న అంత పూర్తిగా చదువుకున్నా అమ్మా...ఈ రోజు కూడా fullగా చదువుకుంటానమ్మా ...5 రూపాయలు ఇవ్వమ్మా...pls"
"5 రూపాయలా ఎందుకు బుజ్జి???"

"మరేమో మా friendsకి గ్రీటింగ్ కార్డ్స్ కొనాలి... pls అమ్మా...next సంవత్సరం నుంచి ఇంకా బాగా చదువుతా...first ర్యాంక్ ఖచ్చితంగా తెచ్చుకుంటా..."
"సరే...ఇంద తీసుకో...పిచ్చి పిచ్చి గ్రీటింగ్ కార్డ్స్ కొనుక్కోకు....ఒరేయ్ ఆగరా .పాలు తాగి పో..."
కిరానా కొట్టు....
"హ్మ్మ్మ్..హ్మ్మ్మ్మ్..చిరంజీవి గ్రీటింగ్ కార్డ్స్ ఉన్నాయా ??? "
" అదిగో.. అక్కడ అందరి హీరోస్ వి ఉన్నాయి... ఏవి కావాలో తీసుకో... ఒక్కో గ్రీటింగ్ కార్డ్ పావల ... "
[రమణ కి,శరత్ కి,శ్రావణ్ కి చిరంజీవి కార్డ్స్,శేషుకి ఏమో క్రిష్ణ అంటే ఇష్టం సో క్రిష్ణ కార్డ్, కిషోర్ కి బాలక్రిష్ణ కార్డ్ ఇద్దాం.. ఇంకా మిగతా వాళ్ళకి వెంకటేష్ , నాగార్జునవి తీసుకుంటా ]
" అన్నా ఈ కార్డ్స్ అంతా కలిపి ఎంత ? " ...
" మూడు రూపాయలు"
" ఇంద తీసుకో... వ్రూం వ్రూం వ్రూం [నోటితో బండి శబ్దం చేసుకుంటూ ఇంటికి వెళ్ళిపోవటం] ..... "
New Year Resolution : ఈ వయసు లో.. resolution తీసుకోవచ్చు అన్న ఐడియా కూడ ఉండకపోవచ్చు .. సొ నో Resolution ..
*************************************************************************************
ఎనిమిదవ తరగతి[Dec 31st-1998]
" అమ్మా.... ఒక 50 రూపాయలు ఇవ్వమ్మా... New Year కి గ్రీటింగ్ కార్డ్స్ కొనాలి .."
" ఒరేయ్... 50 రూపాయలా ... అంత ఎందుకు రా... ?? "
" ఒక్కో గ్రీటింగ్ కార్డ్ ఇప్పుడు 5-7 రూపాయలు అమ్మా.... friends చాలా మంది ఉన్నారు... వాళ్ళందరికి ఇవ్వాలి.. ఒకరికి ఇచ్చి ఇంకొకరికి ఇవ్వకపొతే.. ఫీల్ అవుతారు.... "
" అయినా సరే.. 50 రూపాయలు అయితే ఇవ్వను...ముందు బాగా చదివి ... first ర్యాంక్ తెచ్చుకో,...అప్పుడిస్తా... చిన్నప్పటి నుంచి ... ఒక్క సారి అయినా క్లాస్ first వచ్చావా??? "
" అబ్బ...first ర్యాంక్ తెచ్చుకుంటాన్లే... ముందు 50 రూపాయలు ఇవ్వమ్మా.... మా friends లో అందరికన్నా... నేనే ఎక్కువ గ్రీటింగ్ కార్డ్స్ ఇవ్వాలి..."
" దీంట్లో ఎక్కువ ఇవ్వాలన్న కొరిక... మార్క్స్ లో ఎక్కువ రావలని లేదు.... వెధవ..... ఇదిగో... తీసుకో.... "
" అమ్మా... నాకు డబ్బులు ఇచ్చావని.. నాన్నకి చెప్పకు...... ఎందుకంటె.. నాన్న కూడా... 50 ఇచ్చాడు..... "
"ఓరి వెధవ.... ఆగరా.. టిఫిన్ తిని వెళ్ళు"
Archies గ్యాలరి
"అన్నా... Mario , Mogli గ్రీటింగ్ కార్డ్స్ ఎక్కడ ఉన్నాయి.... "
" అక్కడ ఆ మూల ఉన్నాయి బాబు"
[నా క్లోస్ friends కి Mario కార్డ్ ఇద్దాం... మిగత వాళ్ళకి ఏవో ఒక కార్డ్ ఇద్దాం లె.... ]
" అన్నాయ్.... 10 కార్డ్స్ .. తీసుకున్నా... 70 రూపాయలు అయ్యింది చూడు "
New Year Resolution: ఈ సారి ఎలాగైన....first ర్యాంక్ నాకే రావాలి...రోజూ పొద్దున్నె లేచి ఏ రోజు సబ్జెక్ట్ ఆ రొజే full గా చదివెయ్యాలి...
*************************************************************************************
Engg. [Dec 31st 2004]
" మా... మా.... అమ్మోవ్.. ఎక్కడ ఉన్నావ్.... "
" ఏంట్ర అలా అరుస్తావు.. ఇక్కడ వంట గదిలో ఉన్నా... "
" అమ్మా ... ఒక 500 కొట్టు.... New Year పార్టీ ఉంది..... "
" పార్టియా ??? నాన్న వాళ్ళ బ్యాంక్ లో ఈ రోజు పార్టి ఉందంట... అక్కడికి వెళ్దాం... "
" అమ్మా pls మా.... మా friends తో పార్టీ చేసుకుంటా.... మీతో వస్తే నాకు అక్కడ బోర్ కొడుతుంది,... నాకు ఎవ్వరూ తెలియదు కూడా... అమ్మా pls డబ్బులు ఇవ్వు..."
" ముందు .. నీ arrears ని క్లియర్ చెయ్యరా... తరువాత పార్టీ అయిన,...ఏదైనా ... "
" ఈ సంవత్సరం అన్నీ క్లియర్ చెస్తానే.. ముందు ఈ టైం లో ... నీ నస ఆపి.... డబ్బులు ఇవ్వు.... "
"ఇదిగో... తీసుకో,.... జాగ్రత్తగా వాడుకో... మీ నాన్నకు చెప్పకు నేను ఇచ్చానని... నిన్ను గారాం చేసి నేనే చెడగొడుతున్నానంటాడు.... "
"సరే.. చెప్పన్లే.... "
Place మీరే కనిపెట్టండి :)
" బాసూ!!..... పది బీర్లు..... 3 తందూరి చికెన్ పార్సల్ కట్టమ్మ... "
" అరేయ్ రాజు గా.... శీను గాడికి ఒక్క బీర్ చాలు రా... ఒక్కటి తాగగానె... omleT ఎలాగో వేస్తాడు... :"
అయితె 9 బీర్లు చాలమ్మ... "
"అరేయ్ రాజు గా రాత్రి పబ్ కి వెళ్దామా??? "
" ఊ... వెళ్దాం రా.... అరెయ్ శీను గా.. అందరి దగ్గర మనీ కల్లెక్ట్ చెయ్యరా.... పబ్ లో ఖర్చు అవుతుంధి గా
New Year Resolution : దేవుడా... ఈ ఇయర్ అయిన నా arrears అన్నీ క్లియర్ చేసేసి... స్వప్న నా ప్రేమ ని ఒప్పుకొనే లాగా చెయ్యి [ఇది మాత్రం తప్పనిసరి అమ్మ ... arrears ఉన్నా సరే ]
*************************************************************************************
ఫోన్ లో... ఆఫీస్ నుంచి [Dec 31st-2008]
"అమ్మా... ఈ రోజు రాత్రి నాకు ఫోన్ చెయ్యకండి... నా ఫోన్ silent mode లో ఉంటుంది.. రాత్రి US Client తో conference లో ఉంటాను..."
"అరేయ్ నాన్న... ఈ రోజు అయిన... rest తీసుకోరా..... వేళకు బాగా తిను.... "
"అమ్మా మళ్ళి మట్లాడత... కాస్త పని ఉంది బిజి గా ఉన్నా.... bye ....take care.."
New Year Resolution : ఈ సంవత్సరం అన్నా GMAT రాసి... MBA చెయ్యాలి..... ఈ software ఉద్యోగం... కన్నా management కోర్సు లో అవకాశాలు బాగుంటాయి.. జీతం తొ పాటు...
*************************************************************************************
పైన చెప్పిన సందర్భాలన్ని... అందరి జీవితాలలో తీపి గుర్తులు......
ప్రతి ఒక్కరికి కొత్త సంవత్సరం అనేసరికి ... కొత్త కొత్త resolutions.. కొత్త ఆలోచనలు... కొత్త భావాలు...
'అవకాశం' అనే పుస్తకంలో ఉన్నా ఖాళీ పేజీలను ఆశ అనే సిరా తో నింపుకుందాము.
గత సంవత్సరంలో సాధించలేని విజయాలు,,ఈ సంవత్సరంలో సాధించాలని మనస్ఫూర్తిగా కోరుకుంటూ..!!!
మీ
రాజేంద్ర

కొత్త సంవత్సరం,కొత్త అలవాటు,కొత్త బ్లాగు

ఈ సంవత్సరం లొ నేను కొత్తగ నేర్చుకున్న అలవాటు "Blogging".
ఎంతో excitingగ ఎంతో interestగ మొదలు పెట్టాను.
ఇందులో నేను success సాధించగలనని ఆసిస్తున్నాను.